-- Advertisements --
Nagtala ng pagtaas ng aktibidad sa loob ng 24 na oras ang Bulkang Bulusan.
Ayon sa Philippine Institute of Volcanology and Seismology (Phivolcs) na mayroong 126 na mahinang lindol ang naranasan sa Sorsogon, Bicol kung saan matatagpuan ang bulkan.
May lakas na mula 0.3 hanggang 2.2 magnitude ang nasabing mga lindol na mula 1 hanggang 9 na kilometro malapit sa bulkan.
Nagtala rin sila ng mga volcanic gas na lumabas mula sa crater ng bulkan.
Nananatiling nasa Alert Level 1 pa rin ang bulkan at pinayuhan ng PHIVOLCS ang mga residente doon na obserbahan ang mga kaganapan.
