Inanunsyo ng Department of Sciencce and Technology na sa ngayong buwan ng Pebrero, kung saan inaasahang nasa peak na ang nangyayaring El Niño phenomenon, maaaring walang anumang bagyong papasok sa Philippine Area of Responsibility (PAR).
Sa karamihan, isang bagyo lamang ang maaaring dumating ngayong buwan.
Batay sa datos ng DOST, kahit may bagyong pumasok sa PAR, walang inaasahang landfall scenario.
Habang inoobserbahan din ang low pressure area (LPA) malapit sa Mindanao, mababa ang posibilidad na maging bagyo ito.
Gayunpaman, ang LPA ay tinatayang magdudulot pa rin ng pag-ulan sa Mindanao at ilang bahagi ng Visayas, habang ang Amihan o Northeast Monsoon ay malamang na makakaapekto sa Luzon.
Nauna rito, idineklara ng DOST na magkakaroon ng mas mababa sa average na bilang ng mga tropical cyclone ngayong 2024 dahil sa El Niño phenomenon, habang ang Metro Manila ay maaaring makaranas ng dry spell o tagtuyot ngayong Pebrero o Marso.
