Kinumpirma ng Supreme Court (SC) ang appointment bilang associate justice ng Korte Suprema ni Justice Jhosep Y. Lopez.
Ayon kay SC Spokesperson Brian Keith Hosaka, si Court of Appeals (CA) Justice Lopez ang papalit sa nabakanteng puwesto ni Associate Justice Priscilla Baltazar- Padilla.
Si Lopez ang ika-190 na associate justice ng Korte Suprema.
Kung maalala maagang nag-retiro si Baltazar dahil daw sa “physical disability” ayon sa kataas-taasang hukuman.
Dahil sa appointment ni Lopez, kumpleto na ang 15 mahistrado ng pinakamataas na korte sa bansa.
Kabilang dito sina Chief Justice Diosdado Peralta, Senior Associate Justice Estela Perlas-Bernabe at Associate Justices Marvic Leonen, Alfredo Benjamin Caguioa, Alexander Gesmundo, Ramon Paul Hernando, Rosmari Carandang, Amy Lazaro-Javier, Henri Jean Paul Inting, Rodil Zalameda, Mario Lopez, Edgardo delos Santos, Samuel Gaerlan at Ricardo Rosario.
