ILOILO – Patay ang isang lalaki matapos binaril ng isang active auxiliary member ng Citizen Armed Force Geographical Unit sa Brgy. Panalian, Maasin, Iloilo.
Ang biktima ay si Gilbert Constantino, 35, isang magsasaka, habang ang suspect naman ay Rodel Nepomuceno, 27, pawang residente ng nasabing barangay.
Sa panayam ng Bombo Radyo kay Police Capt. Jayson Mausig, Officer-in-Charge ng Maasin Municipal Police Station, sinabi nitong hinamon ng biktima ng away ang suspect dahil hindi umano ito pinautang sa tindahan na pagpamamay-ari ng suspect.
Ayon pa kay Mausig, pinuntahan ng biktima ang bahay ng suspect at nanghamon dala ang isang itak.
Dito na umano ginamit ng Citizen Armed Force Geographical Unit member ang kanyang 20-gauge shot gun at binaril ang biktima sa dibdib at nang tumakbo, hinabol pa umano nito at binaril sa ulo.
Detained ang suspect sa Maasin Municipal Police Station at nakatakdang sasampahan ng kasong homicide.
