Hinimok ni Solicitor General Jose Calida ang mga opisyal ng Commission on Elections (Comelec) na maging mapagbantay sa Smartmatic Inc. sa gitna ng posibleng komisyon ng electoral fraud.
Ipinarating ni Calida ang kanyang mensahe sa pamamagitan ng liham kina Comelec chairman Saidamen Pangarunan at Commissioners Socorro Inting, Marlon Casquejo, Aimee Ferolino, Rey Bulay, George Garcia, Aimee Torrefranca-Neri.
Napag-alaman ni Solicitor General Calida na kinakailangang ipaalam sa Comelec na ang pagkilos nitong pagharang sa mga testigo sa panahon ng pag-imprenta ng mga balota at pagsasaayos ng mga SD card gayundin ang kawalan ng aktwal na pagsusuri ng source code ng mga accredited na interesadong kalahok ay lumalabag sa 1987 Constitution, ang Omnibus Election Code, at iba pang kaugnay na batas.
Nagpahayag din ang OSG ng pagkabahala hinggil sa umano’y paglabag sa seguridad na kinasasangkutan ng isang dating empleyado ng Smartmatic, at sinabing maaaring banta nito ang integridad ng halalan sa Mayo 9.
Tiniyak naman ni Pangarungan na titingnan ng Comelec ang usapin.
Nauna nang sinabi ng Smartmatic na hindi ito biktima ng hacking.
Sinabi rin nito na hindi sensitibo ang data na na-download ng dating employer nito.
