Naalarma na rin si Miss Universe 2018 Catriona Magnayon-Gray sa mabilis na pagtaas ng HIV cases sa Pilipinas kung kaya’t hinihikayat niya ang lahat na magpa HIV test ngayong araw.
Mangunguna si Catriona at Love Yourself sa HIV testing upang palawakin pa ang kaalaman ng lahat tungkol sa nasabing sakit.
Hinihikayat ni Catriona ang mga interesadong inidibidwal na mag register sa go.loveyourself.ph/ThisIsMeCatriona at magpunta sa kani-kanilang public health centers mula alas 12:00 ngayong tanghali hanggang alas-7:00 ng gabi.
Sa panayam ng Bombo Radyo kay Raybert Domingo, public relations head, sinabi nito na matagal nang adhikain ni Catriona ang nasabing proyekto bago pa siya manalo sa Miss Universe.
Sa kabilang banda, umaabot na nga sa 11,427 HIV cases ang naitala ng Department of Health mula noong 2018 na pinakamataas sa Southeast Asia. (with report from Bombo Sol Marquez)
