-- Advertisements --
NAGA CITY – Masuwerteng walang nasaktan sa naganap na aksidente sa kalsadang bahagi ng Brgy. La Purisima, Tinambac, Camarines Sur.
Sa nakalap na impormasyon ng Bombo Radyo Naga, nabatid na pauwi na sa kaniyang bahay si Arnulfo Custodio, 49, lulan ng Nissan Urvan ngunit pagsapit sa intersection sa nasabing lugar nang mahagip ito ng isang passenger truck na minamaneho ni Rodel Velarde, 36, incumbent vice mayor ng nasabing bayan.
Napag-alamang tanging ang dalawang sasakyan lamang ng dalawa ang nagkaroon ng pinsala at pareho naman ang mga itong ligtas.
Nagpapatuloy pa ngayon ang imbestigasyon ng pulisya sa pangyayari.
