Tutulungan ng Canada ang Pilipinas na ipagtanggol ang mga karapatan sa soberanya sa West Ph Sea at labanan ang iligal na pangingisda sa pamamagitan ng pagbibigay ng satellite surveillance at iba pang siyentipikong data bilang bahagi ng pagsisikap nitong palakasin ang presensya nito sa Indo-Pacific region.
Ipinahayag ni Canadian Foreign Minister Melanie Joly ang suporta ng Canada para sa 2016 arbitration ruling na nagtataguyod ng mga karapatan ng soberanya ng Pilipinas sa exclusive economic zone nito at nagpawalang-bisa sa malawak na pag-angkin ng teritoryo ng China sa pinag-aagawang karagatan.
Sinabi ni Joly na dapat igalang ng China ang desisyon ng tribunal.
Aniya, ibinabahagi ng Canada kasama ng Pilipinas ang kahalagahan ng paggalang sa mga internasyonal na pamantayan, kabilang ang U.N. Convention on the Law of the Seas.
Ang Pilipinas at Canada ay mamarkahan ang ika-75th year ng diplomatikong relasyon sa susunod na taon.
Una na rito, si Joly ay bumisita sa Pilipinas at nakipag-usap kay Pangulong Ferdinand Marcos Jr., Foreign Secretary Enrique Manalo, National Security Adviser Eduardo Ano at Justice Secretary Jesus Crispin Remulla para palawakin ang bilateral ties.
