-- Advertisements --
Itinakda na sa Agosto 14 ang laban ni John Riel Casimero kay Cuban veteran challenger Guillermo Rigondeaux.
Gaganapin ito sa Dignity Health Sports Park sa Carson, California.
Nangyari ang desisyon matapos na umatras si Casimero sa laban niya kay Nonito Donaire dahil sa isyu ng Voluntary Anti-Doping Agency (VADA) sa panig ni Casimero.
Inamin ni Manny Pacquiao Promotions president Sean Gibbons na mahirap na kalaban si Rigondeaux subalit alam niya ang kakayahan ni Casimero.
Magugunitang noong Abril ay inanunsiyo ang laban nina Casimero at Rigondeaux subalit hindi na ito natuloy.
