Pasok sa Top 10 ang graduate ng Capiz State University (CAPSU)- Pilar campus sa February 2022 Social Worker Licensure Exam (SWLE).
Nakakuha ng 82.20%, na ika-siyam sa pinakataas na rating si Lenery Buenafe Ponsaran.
Ito ay batay sa resulta na inilabas ng Professional Regulation Commission (PRC).
Napag-alaman na 1,211 ang mga examinees kung saan 533 ang nakapasa sa Social Worker Licensure Examination. Nagmula naman sa University of the Philippines-Diliman ang Top1 sa nasabing pagsusulit na nakakuha ng 85.60%.
Ang Social Worker board exam, ay isinagawa noong February 22 hanggang 24, 2022 sa iba’t ibang mga testing centers sa Manila, Baguio, Cagayan de Oro, Cebu, Davao, Iloilo, Legazpi, Lucena, Pagadian, Pampanga, Rosales, Tacloban, Tuguegarao at Zamboanga.
