Isinailalim na sa modified enhanced community quarantine (MECQ) ang Cebu City habang mananatili pa rin sa general community quarantine (GCQ) ang Metro Manila o National Capital Region sa loob ng dalawang linggo simula July 16.
Ginawa ni Presidential Spokesman Harry Roque ang anunsyo matapos ang meeting ng Inter-Agency Task Force on the Emerging Infectious Diseases (IATF) na pinangunahan ni Pangulong Rodrigo Duterte nitong gabi ng Miyerkules.
Maliban sa NCR, inilagay din ni Pangulong Duterte sa GCQ hanggang July 31, 2020 ang Laguna, Cavite, at Rizal para sa Luzon Region IV-A; Lapu Lapu City, Mandaue City para sa Visayas Region VII, Ormoc City, Southern Leyte, Zamboanga City, Butuan City, Agusan del Norte, Basilan, Talisay, Minglanilla, at Concepcion sa Cebu Province.
Isasailalim naman sa modified general community quarantine (MGCQ) with zoning containment strategy and strict local action ang CAR – Benguet, Baguio City; Region I – Ilocos Sur, Pangasinan, Ilocos Norte, La Union, Dagupan City; Region II – Cagayan, Isabela, Nueva Vizcaya; Region III – Bataan, Nueva Ecija, Pampanga, Bulacan, Tarlac, Zambales, Angeles City; Region IVA – Batangas, Quezon, Lucena City; Region IVB – Oriental Mindoro, Occidental Mindoro, Puerto Princesa City; Region V – Albay, Masbate, Camarines Norte, Camarines Sur, Catanduanes, Sorsogon, Naga City; Region VI – Iloilo, Negros Occidental, Capiz, Antique, Aklan, Guimaras, Iloilo City, Bacolod City; Region VII – Negros Oriental, Bohol, Cebu Province; Region VIII – Western Samar, Leyte, Biliran, Tacloban City; Region IX – Zamboanga del Sur, Zamboanga Sibugay, Zamboanga del Norte; Region X – Misamis Occidental, Bukidnon, Lanao del Norte, Cagayan de Oro City, Iligan City; Region XI – Davao Oriental, Davao del Norte, Davao del Sur, Davao de Oro, Davao City; Region XII – Sultan Kudarat, Cotabato, South Cotabato, General Santos City; at BARMM – Lanao del Sur, Maguindanao.
Ang ibang bahagi ng bansa ay isasailalim sa MGCQ hanggang July 31, 2020.
