CEBU CITY – Opisyal nang umupo bilang bagong direktor ng Cebu City Police Office si Police Colonel Ireneo Dalogdog kung saan pinalitan nito si Police Colonel Ernesto Salvador Tagle.
Nabatid na opisyal na naging City Director si Dalogdog noong Oktubre 1 ngunit ngayong araw lang isinagawa ang ‘turnover of office ceremony’ sa headquarter ng Police Regional Office 7.
Nanguna sa nasabing seremonya si Police Brigadier General Roque Eduardo Vega, ang direktor ng Police Regional Office 7.
Binigyang-diin ni Dalogdog na sa ilalim ng kanyang pamumuno ay kanyang sisiguraduhin ang kalinisan sa hanay ng pulisya.
Maliban dito, ipagpapatuloy nito ang Intensified Cleanliness Police ng Philippine Nationa Police at bigyang pagkilala ang mga pulis na magpapakita ng magandang performance.
Siniguro nito na ipagpapatuloy ng pulisya ang drug war nitong lungsod.
Naniniwala si Dalogdog na malaki ang papel ng magandang relasyon ng pulisya at komunidad upang masumpo ang kriminalidad.
