Patuloy na gumagawa ng ingay ang pambato ng Pilipinas na si Celeste Cortesi sa Miss Universe 2022 pageant matapos mapabilang sa frontrunner list ng dalawang international publications.
Pangalawa sa top pick ng Missosology na isang beauty pageant platform para sa Miss Universe 2022 title si Cortesi.
Kabilang din sa final hot picks Miss Universe 2022 candidates sina Miss Venezuela, Miss Curacao, Miss Dominican Republic, Miss Puerto Rico, Miss USA, Miss Colombia, Miss Thailand, Miss Jamaica, Miss Mexico, Miss Aruba, Miss Italy, Miss Germany, Miss South Africa, Miss Peru, Miss Bahrain, Miss Vietnam, Miss Mauritius, Miss Portugal at Miss France.
Samantala, sa inilabas naman na “Miss Universe 2022 Final SashPick” ng Sash Factor, pangatlo si Cortesi sa listahan habang top pick naman ang kandidata ng Venezuela na si Amanda Dudamel.
Bukas na ang inaabangang coronation night ng Miss Universe 2022 sa New Orleans, Loiusiana kung saan makikipag-compete si Cortesi sa 83 iba pang delegates para sa titulo.
Una rito, umani ng papuri mula sa kaniyang fans ang performance ni Cortesi sa kaniyang swimsuit, evening gown at “darna-inspired” national costume sa ginanap na preliminary competition noong Huwebes, January 12.
