-- Advertisements --
Maging ang Boston Celtics ay naaamoy na rin ang pag-usad sa semifinals sa NBA playoff matapos itala ang tatlong panalo laban sa Philadelphia Sixers, 102-94.
Isang panalo na lamang ang kailangan ng Celtics sa Lunes para ma-sweep ang karibal na team.
Batay kasi sa kasaysayan ng NBA wala pang team ang nakabangon sa 3-0 sa playoff series.
Para naman sa top player ng Sixers na si Joel Embiid na tumipon ng 30 points at 13 rebounds sa pagkatalo, hindi sila papayag na pahiyain ng Boston.
Tiniyak nito na babawi sila sa next game para ma-extend pa ang serye.
Sa kampo ng Celtics nanguna sa opensa si Kemba Walker na nagpakita ng 24 points, habang sina Jaylen Brown ay nagdagdag ng 21 points at si Jason Tatum naman ay nagtapos sa 15.
