Walang sasayangin ang Boston Celtics at handa na silang tapusin para ma-sweep 4-0 ang Dallas Mavericks sa NBA Finals.
Sinabi ni Celtics star Jayson Tatum, na kanilang sasamantalahin ang pagkakataon kung saan kahit na nakuha na nila ang kalamangan na 3-0 ay hindi pa rin sila nagdiriwang.
Sa nasabing panalo noong Game 3 sa score na 106-99 sa homecourt ng Dallas ay siyang 10 magkasunod na panalo ng Celtics sa playoffs series kabilang na dito ang sweep nila 4-0 sa Indiana Pacers noong Eastern Conference Finals.
Kahit na ganun ay naniniwala pa rin ito na walang koponan sa kasaysayan ng NBA na nakabangon sa 0-3 para maipanalo sa finals.
Sa ngayon aniya ay nakatutok lamang sila magandang paglalaro sa Game 4.
Bukod sa kampeonato kasi ay target nilang mahigitan ang Los Angeles Lakers na parehas silang mayroong 17 na kampeonato kung saan huling nagkampeon ang Boston ay noong 2008.
Taong 2022 ng may tsansa na sana silang makuha ang ika-18 na kampeonato subalit hindi sila nakaporma sa Golden State Warriors.
Nakatuon din sila sa pagbawi sa masaklap na pagkatalo nila noong nakaraang season ng mabigo sila sa Game 7 laban sa Miami Heat ng Eastern Conference Finals.
