CESU Kidapawan City pinagkalooban ng 2 bagong passenger-type Multicab

CENTRAL MINDANAO- May magagamit ng dalawang bagong mga passenger-type Multicab ang City Epidemiology Surveillance Unit o CESU Kidapawan para sa contact tracing at iba pang mahahalagang gawain.

Nagkakahalaga ng P230,000 ang kada unit ng multicab na pinondohan ng City Government of Kidapawan.

Ginanap ang turn over ng mga bagong sasakyan sa pangunguna ni CESU Operations Head Dr.Nadine Paalan.

Dati ay gumagamit lamang ng lumang sasakyan at minsan naman ay umaarkila ng passenger vehicle ang CESU kaya naman malaking tulong ito aa kanila, ayon kay Dr.Paalan. Agad ding gagamitin ang mga bagong sasakyan sa operasyon ng CESU tulad ng pag deploy ng mga contact tracers at pagsundo ng mga Covid-19 patients.