Inihayag ng Commission on Elections (Comelec) na natanggap na nito ang mga lagda mula sa mahigit 1,000 na munisipalidad at lungsod sa buong bansa para sa patuloy na hakbangin ng mga tao na amyendahan ang 1987 Constitution.
Sinabi ni Comelec Chairperson George Garcia na ang poll body ay mayroon nang mga signature forms mula sa kabuuang 1,072 munisipalidad at lungsod..
Batay sa tantiya ng COMELEC, ito ay mula sa 187 na mga distrito na kung saan mayroong 254 na distrito sa buong bansa.
Lumilitaw na tumaas ang representasyon sa people’s initiative campaign mula nang iulat ng Comelec na noong Enero 21, Sabado, hindi bababa sa 884 na lungsod at munisipalidad ang nagsumite.
Ito ay magsasaad na 188 lungsod at munisipalidad ang idinagdag sa patuloy na people’s initiative signature drive, o pagtaas ng 17.5% sa wala pang isang linggo.
Sa ilalim ng Saligang Batas ng 1987, ang mga amendments ay maaaring direktang imungkahi ng mga tao sa pamamagitan ng inisyatiba sa isang petisyon na hindi bababa sa 12% ng kabuuang bilang ng mga rehistradong botante, kung saan ang bawat distrito ay kailangang katawanin ng hindi bababa sa 3% ng mga rehistradong botante na kung saan ito ay tinatawag na people’s initiative.
Kapag natugunan na ang kinakailangang bilang ng mga lagda, kailangang maghain ng petisyon sa Comelec ang mga tagapagtaguyod ng people’s initiative.
Ang poll body ay susuriin at ibe-verify ang lahat ng mga lagda.
Matapos maberipika ng Comelec na authentic ang mga pirma at makasunod sa mga kinakailangang bilang para sa isang people’s initiative, magtatakda ito ng pambansang plebisito o referendum kung saan iboboto ng mga tao ang mga mungkahing pagbabago sa konstitusyon ng mga petitioner.
