Nakatakdang bigyan ng Diamond Lifetime Achievement Award ang chairman ng Florete Group of Companies na si Dr. Rogelio Florete kasabay ng Iloilo Charter Day.
Sa Executive Order No. 098 ni Iloilo City Mayor Jerry Treñas, nakasaad na kasabay ng Iloilo City Charter Day sa Agusto 25 na isang special non-working holiday sa Iloilo City, bibigyan ng parangal ang mga Ilonggo na may malaking kontribusyon sa pag-unlad ng lungsod.
Isa sa awardees ay si Dr. Florete na Chairman rin ng Bombo Radyo Philippines bilang pagkilala ng Iloilo City Government sa hindi mapantayang kontribusyon nito sa larangan ng Mass Media.
Ang iba pang tatanggap ng Diamond Lifetime Achievement Award ay sina former Senator Franklin Drilon sa larangan ng Public Service; ang singer-songwriter na si Jose Mari Chan sa larangan ng Arts and Music; Filipino-Chinese businessman Alfonso Uy, internationally-acclaimed hotelier Dr. Henry Chusuey, landscape architect Sergio Peñasales, Oncologist Dr. Engracio Cortes at Filipino chess grandmaster Eugenio “Eugene” Torre.
