Chief Executive ng Boeing sinibak sa puwesto

Sinibak ng kumpanyang Boeing ang chief executive nito na si Dennis Muilenburg.

Ayon sa kumpanya, ginawa nila ang nasabing hakbang para maibalik ang pagtitiwala ng kanilang mga kliyente.

Nasa sentro ng batikos si Muilenburg matapos ang magkakasunod ng pagbagsak ng Boeing 737 Max airliners.

Inaakusahan kasi ng ilang mga mamababatas mula sa ibang bansa na inuuna pa ng Boeing ang kita kaysa kaligtasan ng mga pasahero.

Papalit sa kaniyang puwesto si David Calhoun na naging board officer ng kumpanya mula pa noong 2009.