-- Advertisements --
Kinumpirma ng pamunuan ng Philippine Coast Guard na dumaan sa katubigan ng Pilipinas ang Chinese research vessel na Song Hang.
Agad namang nag radio challenge ang mga tauhan ng PCG matapos ang pagdaan ng naturang barko.
Ayon sa PCG, sumagot ang Song Hang sa radio challenge at sinabing sila ay patungo sa Indian Ocean para mangisda.
Sakay rin aniya nito ang nasa 25 chinese nationals.
Sa monitoring ng PCG ay tuloy-tuloy naman ang paglalayag ng naturang barko at hindi ito nagbaba ng anumang kagamitan.
Tiniyak naman ng Philippine Coast Guard na patuloy nilang babantayan ang mga katubigang sakop ng bansa para igiit ang ating soberanya at teritoryo .
