Chopper ni Manny Pacquiao umeksena sa opening ceremony ng SRAA Meet 2024 sa Gensan
GENERAL SANTOS CITY – Animo’y walang katulad ang ginawang pag-welcome ng Lokal na Pamahalaan ng Heneral Santos sa mga atleta, coaches, technical team, mga bisita na dumalo sa opening ceremony ng Soccsksargen Regional Athletic Association 2024 sa Acharon Sports Complex nitong lungsod.
Natunghayan ang paghulog ng confetti mula sa helicopter ni Former Senator Manny Pacquiao.
Ang dating Senador at 8 division world boxing champion kasi ang Guest Speaker sa nasabing pagtitipon.
Ayon sa kanyang mensahe, magtiwala sa kakayahan, magpakukumbaba sa bawat panalo, tanggapin ang proseso ng bawat pagkatalo upang makabangon muli, at palakasin ang loob ng mga atleta na sasabak sa isang linggong palaro.
Samantala, nagbigay rin ng ceremonial water salute ang dalawang magkabilaan na firetruck at pagkatapos nito ay nasaksihan din ang makabighaning fireworks display na nagtagal ng halos pitong minuto.
Nalaman na nakapaghost narin ang Gensan ng Palarong Pambansa noong 1996.
Ang Soccsksargen Regional Athletic Association, ay binubuo ng mga kalahok mula sa Sultan Kudarat, Sarangani, South Cotabato, North Cotabato, General Santos, Tacurong, Koronadal, at Kidapawan.
