Kinilala ni Miami Heat at Filipino-American head coach Erik Spoelstra ang ipinamalas na performance ng nagbabalik na si Bam Adebayo kahit na nabigo sila sa Game 4 ng NBA Finals.
Maaalalang hindi lumahok sa unang dalawang games ng NBA Finals si Adebayo dahil sa iniinda nitong neck strain.
Nagbuhos ng 15 points at pitong rebounds si Adebayo sa loob ng 33 minuto sa kanyang pagbabalk aksyon mula Game One, ngunit natalo ang Heat, 102-96, at nabaon sa 3-1 deficit.
“Physically still not a hundred percent, but I was moving well and getting back to a hundred percent,” ani Adebayo.
Sinabi ni Spoelstra, ipinamalas daw ni Adebayo ang puso at kaluluwa ng Miami bilang isang koponan.
“He passed all the protocols with his mobility and strength, and I thought he was great considering he hasn’t played in a week or hasn’t really done anything other than rehab,” wika ni Spoelstra.
“But he’s the heart and soul of who we are. So it was just great to have him back out there, and I don’t have to deal with him trying to stare a hole through me anymore.”
Nangako rin ang Heat na sisikapin nilang bumangon sa do-or-die na Game 5, na gaganapin sa araw ng Sabado (Manila time).
