-- Advertisements --
Nasungkit ni American teenager Coco Gauff ang kampeonato ng US Open.
Ito ay matapos talunin niya sa final si Aryna Sabalenka sa score na 2-6 6-3 6-2.
Ito ang unang Grand Slam title ng 19-anyos na si Gauff.
Sinabi nito na labis itong nagulat ng magwagi siya laban sa 25-anyos na tennis star ng Belarus.
Nasa halos 24,000 ang nanood sa Arthur Ashe Stadium ang nanood sa nasabing laban.
Dahil sa panalo ay inaasahan ang pag-angat sa ranking ni Gauff.
Mula noong maglaro ito sa Wimbledon noong 2019 habang 15-anyos pa lamang ay nakitaan ng ilang mga tennis fans ang potensiyal nitong magig Grand Slam champion.
Bumuhos naman ang pagbati mula sa kapwa tennis players at maging mga celebrities.
