Nagbabala ang Commission on Elections (Comelec) sa publiko laban sa mga fake account at profile, sa iba’t ibang social media (socmed) platforms, na nagpapanggap bilang mga opisyal ng poll body.
Sa isang pahayag, hinimok ni Comelec spokesperson James Jimenez ang mga tao na huwag tumanggap ng anumang kahilingan mula sa mga taong nagpapanggap bilang komisyoner at iba pang opisyal ng poll body sa kanilang mga social media account.
Hinikayat din niya ang mga gumagamit ng Twitter na mag-ulat ng mga profile na nagpapanggap bilang mga pangunahing opisyal ng komisyon “para sa paglabag sa patakaran sa pagpapanggap ng platform.”
Nagbabala rin si Jimenez ng legal na aksyon laban sa mga sangkot sa mga walang prinsipyong aktibidad na ito.
Aniya, ang tahasang pagtatangkang ito na nakawin online ang pagkakakilanlan ng mga opisyal ng Comelec at potensyal na bahagi ng mas malawak na pagtatangka na pahinain ang integridad ng halalan.
Gayunpaman ay hindi pa rin tinukoy ni Jimenez ang pangalan ng mga komisyoner at pangunahing opisyal na ginagamit ng mga taong nasa likod ng mga ilegal na gawaing ito.
