Communist terrorist member arestado sa Pasig City

Arestado ang isang miyembro ng communist terrorist group (CTG) at kabulang sa regional most wanted person ng Department of Interior and Local Government (DILG) matapos isilbi ng otoridad ang warrant of arrest sa mismong bahay ng suspek sa may Christ the King St., Tawiran Extension, Brgy. Santolan, Pasig City bandang alas-5:30 kahapon.

Sa report ng Eastern Police District (EPD) nakilala ang suspek na si Joselito Naag, 45-anyos na nahaharap sa kasong murder, frustrated murder at robbery na inisyu ng Regional Trial Court of Legazpi City, Albay.

Batay sa ulat, ang suspek ay aktibong miyembro ng New People’s Army (NPA).

Agad naman isinailalim sa booking procedure ang suspek at medical examination.