ROXAS CITY – Dead on arrival ng isinugod sa Bailan District Hospital ang driver ng motorsiklo, matapos itong makabangga ng sasakyan, sa Barangay Conciencia, Panitan, Capiz.
Kinilala ang namatay kay Regie Dorado, 21 taong gulang, construction worker at residente ng Brgy Tincupon, sa nasabing bayan.
Ba-se sa imbestigasyon ng Panitan Municipal Police Station, pasado alas-9 kagabi ng Linggo, ng pauwi na ng kanilang bahay ang nasabing construction worker.
Sinasabing nag-overtake ito sa isang motorsiklo at dumiretso sa kasalubong na Nissan Frontier na minamaneho ni Rey Delfin, 58 taong gulang, at residente ng Brgy. Indayagan, Maayon, Capiz.
Dahil dito, tumilapon ang driver ng motorsiklo at nagtamo ng seryosong sugat sa katawan.
Boluntaryo namang sumuko ang driver ng nabanggang sasakyan sa mga kapulisan.
