CENTRAL MINDANAO – Binawian ng buhay ang isang construction worker sa pamamaril sa lalawigan ng Maguindanao dakong alas-7:15 ng umaga nitong nakalipas na Sept. 6.
Nakilala ang biktima na si Aljun Singoon, 47, may asawa at residente ng Barangay Macaguiling, Sultan Kudarat, Maguindanao.
Ayon sa ulat ng Sultan Kudarat Municipal Police Station na lulan ng kanyang motorsiklo ang biktima patungo sa kanyang trabaho sa Cotabato City ngunit pagsapit nya sa Sitio Torres, Barangay Limbo sa bayan ng Sultan Kudarat ay bigla itong dinikitan ng riding in tandem suspects at pinagbabaril gamit ang kalibre .45 na pistola.
Mabilis namang tumakas ang mga salarin patungo sa liblib na lugar sa Sultan Kudarat.
Patay on the spot ang biktima nang magtamo ng maraming tama ng bala sa iba’t ibang parte ng kanyang katawan.
Personal na alitan ang natatanaw ng mga otoridad sa pamamaril patay sa biktima na patuloy nilang iniimbestigahan.
