BAGUIO CITY – Nakakulong na ang isang construction worker matapos molestiyahin ang stepdaughter nito sa P. Burgos, Baguio City.
Ang suspek ay 30-anyos habang ang biktima naman ay 8-anyos.
Batay sa report, pumasok ang suspek sa tinutulugan ng biktima at dito niya ito pinagsamantalahan.
Agad namang nagsumbong ang bata sa kanyang ina at sila ay nagtungo sa himpilan ng pulisya para maaresto ang suspek.
Isinasailalim sa obserbasyon ang biktima habang inaasikaso na ng Women and Children’s Protection Desk ang naturang kaso.
Maaalalang noong isang araw ay isang 4-anyos ang ginahasa naman ng isang 32-anyos na lalaki sa Irisan, Baguio City.
Noong Hunyo 2 ay arestado ang isang chess instructor matapos makuhanan ng video at larawan ang paulit-ulit nitong pagmolestiya sa isang 10-anyos na babae.
