-- Advertisements --
Posibleng mapaaga ang gagawing coronation night ng Miss World Philippines.
Sinabi ni Arnold Vegafria ang director ng Miss World Philippines, na mula sa itinakdang Disyembre 6 na coronation night ay pinag-aaralan nila itong paagahin.
Bagamat wala pang petsa ay maaaring isagawa ito sa ikatlong linggo ng Nobyembre.
Isa sa dahilan nila ay sa Disyembre ang Miss Eco-Teen at ang Miss Multinational.
Kailangan nila ng maagang makakuha ng kandidata para ilaban sa Miss World, Miss Eco International, Reina Hispanoamericana at Miss Tourism.
May mga kahandaan na rin silang isinagawa kapag wala pang bakuna laban sa coronavirus gaya ng pagtanggap lamang ng 50 percent ng live audience at ilang mga health protocols.
