Nagbebenta ng kakaibang coronavirus commemorative coin memorabilia ang White House Gift Shop.
Makikita sa COVID-19 coin ang pangalan nina US President Donald Trump at Vice President Mike Pence.
Makikita sa gitna nito ang White House podium at sa kabila ang graphic ng novel coronavirus.
Kabilang din na nakasulat ang pangalan ng ibang mga miyembro ng COVID-19 task force na sina Treasury Secretary Steve Mnuchin, Surgeon General Dr. Jerome Adams, Dr. Deborah Birx at Dr. Anthony Fauci.
Nakasulat din ang ilang slogan na “Together We FOUGHT the UNSEEN Enemy”, ” Everyday HEROES Suited Up” at ” Everyday CITIZENS Did Their Part”.
Mabibili na ang nasabing mga coins sa pamamagitan ng pre-orders na dati ang presyo nito ay $125 ay naging $100 na lamang na ito.
Ito na ang pang-11 na gift shop na “Historic Moments” collection na nagpapakita ng pakikipagpulong ni Trump kay North Korean dictator Kim Jong-un at Russian President Vladimir Putin.
