CENTRAL MINDANAO-Tumanggap ng Outstanding Alumnus Award si Cotabato Governor Emmylou “Lala” Taliño Mendoza mula sa Department of National Defense (DND)-National Defense College of the Philippines (NDCP) at National Defense College of the Philippines Alumni Association Inc.
Ang parangal ay iginawad ni Senior Undersecretary Jose C. Faustino, Jr, Officer-in-Charge ng DND sa pagdiriwang ng 59th Founding Anniversary ng NCDP na ginanap sa NDCP Auditorium, Camp General Emilio Aguinaldo, Quezon City.
Ang parangal ay iginawad kay Gov. Mendoza dahil sa naging kontribusyon nito sa larangan ng pambansang seguridad at kaunlaran bilang isang local chief executive.
Si Mendoza ay alumni ng NDCP na nagtapos ng may karangalan sa kursong Masters in National Security Administration Executive-Course. Ginawaran din ito ng bronze medal for best thesis noong Agosto 5, 2021.
