Hindi bubuwagin ni PNP Chief Oscar David Albayalde ang PNP Counter Intelligence Task Force (CITF) na siyang nakatutok sa internal cleansing ng pambansang pulisya.
Ayon kay Albayalde lalo pa niya itong palalakihin kung saan makakatuwang ng mga ito ang lahat na mga counter intelligence units ng PNP.
Aniya, kanyang pagagalawin ngayon ang lahat ng mga CI personnel sa buong bansa na siyang nagbabantay sa mga pasaway na pulis.
Palalakasin din ni Albayalde ang counter intelligence division ng Intelligence Group (IG).
Una nang sinabi ni Albayalde na prayoridad nito ang internal cleansing sa kanilang hanay.
“Yung CITF natin will definitely remain. Kung kailangan palakihin natin yan. It will be complemented by all the counter intelligence units of the pnp. Remember meron kaming existing CI divisions and sections down to the provincial level. Itong mga CI personnel they have to do their job,” wika ni Albayalde.
