-- Advertisements --
LEGAZPI CITY- Pumalo na sa 812 ang kabuuang kaso ng COVID-19 sa Bicol region.
Sa huling datos ng DOH CHD-Bicol, apat na kaso ang panibagong naitala sa rehiyon.
Sa nasabing bilang tatlo dito ang mula sa Sorsogon (2 Bulan, 1 Sorsogon City), at isa naman sa Naga City.
Dalawa rin ang naiulat na namatay na sila Bicol#812, isang 63-anyos na lalaki mula sa bayan ng Bulan sa Sorsogon at si Bicol#397 naman ay isang 74-anyos na lalaki mula sa lungsod ng Legazpi sa lalawigan ng Albay.
Dahil dito, umabot na sa 25 ang bilang ng COVID-19 related deaths sa rehiyon.
Nagpaabot na rin ng pakikiramay ang ahensya sa pamilyang mga naiwan ng mga pasyente.
