COVID-19: Pagdaos ng graduation rites, moving up ceremonies ipinauubaya ng DepEd sa mga paaralan

Ipinauubaya na Department of Education (DepEd) sa mga paaralan ang desisyon hinggil sa pagdaos ng graduation rites at moving up ceremonies sa gitna nang suspensyon sa pasok bunsod ng COVID-19 pandemic.

Ayon kay DepEd Usec. Annalyn Sevilla, kanselado na ang graduation rites sa darating na Abril 3.

Pero sa kabila nito ay sinabi ni Sevilla na maari namang i-reschedule o tuluyan nang huwag nang ituloy ang graduation rites  pero kailangan muna itong ikonsulta sa mga magulang ng mga mag-aaral.

Nauna nang idineklara ang suspensyon sa pasok at school activities sa lahat ng lebel sa buong Luzon ng hanggang Abril 14.