-- Advertisements --
BACOLOD CITY – Patay ang incident commander ng Interagency Task Force at City Health Officer ng Guihulngan City, Negros Oriental at asawa nito matapos barilin ng riding in tandem suspects alas-5:20 kahapon ng hapon.
Sa impormasyon na nakuha ng Bombo Radyo, pauwi na sana si Dr. Mary Rose Sancelan at ang asawa nitong si Edwin Sancelan sa kanilang bahay sa Carmin Ville Subdivision, Brgy. Poblacion, Guihulngan City mula sa trabaho ng sila ay binantayan ng hindi pa nakikilalang mga suspek. sa labas ng subdivision at pinagbababaril ng maraming beses.
Natamaan sa iba’t ibang parte nga katawan ang mag-asawa pati na sa ulo.
Agad namang tumakbo sa hindi nalamang direksyon ang mga suspek.
Sa ngayon patuloy pa ang imbestigasyon ng kapulisan.
