COTABATO CITY – Arestado sa drug buy bust operation ng Libungan Municipal Drug Enforcement Unit (LMDEU) ang dalawang babaeng tulak droga sa bayan ng Libungan, North Cotabato.
Nakilala ang dalawang suspect na sina Mary Lycha Tancio, 19, criminology student, residente ng Gumaga, Libungan, North Cotabato at Rona Mae Tapad, 19, residente ng Brgy. Poblacion, Libungan, North Cotabato.
Napag-alaman na isang buwan ng under surveillance ang dalawang suspect at Linggo, pista ng nasabing bayan ay naaktuhan ang dalawa na nagbebenta ng pinaghihinalaang shabu.
Nakuha sa kanila ang dalawang pakete ng pinaghihinalaang shabu at P1,000 na marked money na ginamit sa operasyon.
Nasa kostudiya na ng Libungan PNP ang mga suspect, at nahaharap sa kasong paglabag sa R.A 9165 o Comprehensive Dangerous Drugs Act of 2002.
