Hindi umano problema para kay Golden State Warriors guard Stephen Curry kung palagay ni NBA legend at Charlotte Hornets owner Michael Jordan na hindi pa pang-Hall of Fame ang kanyang mga accomplishment sa kasalukuyan.
Sa isang panayam, sinabi ni Curry na sakaling ang natanong kay Jordan ay kung mailuluklok ba sa Hall of Fame ang Warriors star, malamang daw ay iba ang sagot ng NBA icon.
“I love MJ. That’s my guy. He’s obviously … he’s the GOAT,” wika ni Curry. “But I don’t know if it was a wordsmith thing or if he just kinda got in his own way, but I’m sure if you ask him that question now, like straight-up, does he think I’m getting in there, he probably would have a different answer. If you put the ‘yet,’ then I’m cool with that.”
Bago ito, nabanggit ni Jordan sa isang palabas ang mga player na pakiramdam niya’y makakaagapay sa kanya para maging “impossible to beat.”
Dito ay kanyang pinangalanan sina Hakeem Olajuwon, Scottie Pippen, Magic Johnson at James Worthy sa kanyang dream team.
“So, Steph Curry shouldn’t be offended when he watches this?” tanong kay Jordan.
“I hope not. He’s still a great player. Not a Hall of Famer yet though,” ani Jordan. “He’s not.”
