-- Advertisements --
Dalawa ang patay matapos masunog ang isang van, truck, at bus sa BFCT East Metro Transport Terminal sa Brgy. Calumpang, Marikina City.
Ayon sa Bureau of Fire Protection (BFP), pasado alas-nwebe ng umaga ngayong Linggo nang magsimula ang sunog at agad na isinailalim sa first alarm dalawang minuto pagkatapos magsimula ang apoy.
Hindi pa matukoy ang pagkakakilanlan ng mga biktima gayundin ang sanhi ng sunog. Subalit ayon sa mga nakasaksi, may mga narinig silang pagsabog bago magsimula ang apoy.
Ideneklara ng under control ang sunog bago mag-alas dyis ng umaga.
(Photo courtesy of Marikina City Rescue 161)
