Patuloy sa kanyang ginagawang panunuyo si dating WBC welterweight champion Danny Garcia para mapapayag si Sen. Manny Pacquiao sa isang boxing faceoff.
Ayon kay Garcia, gusto niya raw patunayan na may ibubuga pa ito para maging kampeon ulit sa 147-pound division.
Bagama’t bukas daw ito na makipagtuos sa iba pang malalaking pangalan gaya nina Errol Spence Jr., Keith Thurman, at Shawn Porter, naniniwala si Garcia na siya raw ang karapat-dapat na makakalaban ni Pacquiao sa kanyang next fight.
“I think that’ll be, you know, the biggest fight that Manny, you know, if he wants the big money and he wants the pay-per-view buys, I feel like I’m the perfect guy to fight, who’s gonna meet that, you know,” wika ni Garcia.
“But it’s up to him. He’s the legend and that’s a fight I really want. I thought it was gonna happen in the summertime, but he fought Thurman. And it is what it is. But I’m here. You know, if the legend wants to fight, let’s get it on.”
Matatandaang huling lumaban si Pacquiao noong Hulyo 20 kung saan nagwagi ito kontra kay Thurman via split decision at maagaw ang WBA “super” welterweight title.
Si Danny Garcia, maliban kina Mikey Garcia, Porter at Spence, ang ikinokonsidera ni Pacquiao sa kanyang susunod na laban, na posibleng mangyari pagkatapos ng krisis sa coronavirus.
