Inaresto at nasa kustodiya na ng pamunuan ng Pasig City Police ang dating aktor na si John Wayne na sangkot sa kasong pagpatay umano sa kanyang kaibigan.
Ayon kay EPD Director PCol. Villamor Tuliao, bandang alas syete kagabi, nang pagbabarilin ng aktor ang kaniyang kaibigan sa barangay Sagad, Pasig City.
Sinubukan pa raw tumakas ng aktor pero nahuli ito sa isang Motel kaninang alas sais ng umaga.
Sa inisyal na imbestigasyon, lumalabas na matagal nang kaalitan ni John Wayne ang kaniyang kaibigan
Sa online post din nito bago siya maaresto, bagamat walang binanggit na pangalan, sinabi nitong may banta sa kaniyang buhay at sa buhay ng kaniyang pamilya.
Huling napanood sa telebisyon si John Wayne sa FPJ’s Ang Probinsyano noong 2021 hanggang 2022 bilang si Omar.
