-- Advertisements --
ILOILO CITY -Patay sa pamamaril ang dating myembro ng Citizen Armed Force Geographical Unit (CAFGU) sa Barangay Cabacanan Proper, Alimodian, Iloilo na napagkamalan lamang umanong isang mangkukulam.
Ang biktima ay si Norito Cagud, 64, residente ng Barangay Cabacanan Rizal sa nasabing bayan.
Sa panayam ng Bombo Radyo Iloilo kay Police Staff Sergeant Angello Amoyan, imbestigador ng Alimodian Municipal Police Station, sinabi nito na bigla na lamang umanong nilapitan ang biktima ng tatlong mga suspek habang nakaupo sa kanilang talipapa.
Dead on the spot ang biktima matapos nagtamo ng sugat sa ulo kung saan tumagos ang bala sa kanyang noo mula sa likurang bahagi ng kanyang ulo.
Kaagad naman umanong tumakas ang mga hindi pa nakikilalang mga suspek.
