Dating OFW patay sa pamamaril sa Cotabato City

CENTRAL MINDANAO-Binawian ng buhay ang isang babae sa pamamaril sa syudad ng Cotabato.

Nakilala ang biktima na si Anoria Manabilang,38 anyos,hiwalay sa mister at residente ng Tukananes Barangay Poblacion 7 Cotabato City.

Ayon kay CCPO Station 1 Commander Captain Kenneth Rosales na kakarating lang ng biktima sa Magallanes Street Brgy Poblacion 6 ng lungsod na itoy lapitan ng hindi kilalang suspek at pinagbabaril gamit ang kalibre.45 na pistola.

Mabilis namang tumakas ang salarin at on the spot na nasawi ang biktima nang magtamo ng tama ng bala sa kanyang ulo at likod.

Personal na alitan o rido ang natatanaw na motibo ng mga otoridad sa pamamaril sa biktima na patuloy nilang iniimbestigahan.