GENERAL SANTOS CITY – Patay ang isang retiradong sundalo matapos na pagbabarilin ng mga ‘di kilalang suspek sa harap ng Barangay Hall ng City Heights nitong lungsod.
Kinilala ang biktima na si retired Colonel Elicardo Cabangal, 70, na residente ng Sebastian St., Purok Paradise sa nabanggit na Barangay.
Sa panayam ng Bombo Radyo GenSan, inihayag ni City Heights Brgy. Captain Richie Matutina na sa nakalap nitong impormasyon, paglabas umano ng biktima mula sa kanyang opisina na nasa tabi lang rin ng kanyang bahay ay doon isang Toyota Avanza kulay puti ang huminto at dumungaw ang isang “di kilalang lalaki at pinagbabaril ang ito.
Hindi na umabot ng buhay sa pagamutan ang biktima dahil sa tinamo nitong mga tama ng baril sa katawan.
Ayon sa pulisya, ang land conflict umano ang tinitingnan nilang motibo sa krimen dahil may negosyong real state ang biktima.
