Death toll sa US halos 200,000 na, panibagong 40,000 COVID cases naitala

Nakapagtala na naman ang Amerika ng 39,844 panibagong bagong kaso ng COVID-19.

Iniulat ng Johns Hopkins University na umaabot din sa 250 katao ang pumanaw bunsod ng deadly virus.

Sa ngayon umakyat na sa 6,804,814 ang total COVID cases habang nasa 199,509 na ang mga nasawi.

Ang naturang bilang ay mula sa 50 mga estado kasama ang District of Columbia at iba pang mga US territories.