Nagtamo ng sugat sa ulo ang drummer ng American rock band na Def Leppard na si Rick Allen matapos na lusubing ng isang lalaki.
Ayon sa kapulisan na nasa labas ng isang hotel sa South Florida si Allen ng ito ay bigla na lamang atakihin ng isang lalaki.
Napatumba si 59-anyos na si Allen dahil sa kapansanan nito na iisa lamang ang kaniyang braso at doon ay inuntog pa ng suspek ang ulo ng biktima sa sahig.
Isang babae ang lumabas sa hotel na tutulong sana subalit maging ang babae ay kaniya ring inatake.
Naaresto ang suspek na si Max Hartley matapos ang insidente ng pang-aatake.
Nasa South Florida ang banda para magsagawa ng concert.
Naputol ang kaliwang braso ni Allen noong 1984 dahi sa isang car accident at kahit ganun ang kaniyang kapansanan ay hindi pa rin ito naging hadlang para tumugtog sa banda.
Ilang mga kanta na pinasikat ng banda ay ang “Two-step Behind”, “I Miss You In a Heartbeat” at maraming iba pa.
