Inatasan ni Senator Grace Poe ang Department of Transportation (DOTr) na tiyakin na ang mga provincial traveller ay makakakuha ng sapat na transportasyon sa panahon ng yearend holiday season.
Ang senador na matagal nang chairperson ng franchise-screening Committee on Public Services, ay nagpaalala, para sa milyun-milyong katao na ang tanging opsyon ay sumakay sa pampublikong transportasyon ng mga pampublikong sasakyan (PUV).
Ipinunto ni Poe na ang kakulangan ng mga PUV ay maaaring magbukas ng daan para sa fly-by-night at iba pang mga colorum na sasakyan na maaaring magdulot ng panganib sa kaligtasan ng mga riding public.
Kasabay nito, hinimok ng senadora ang mga awtoridad na bantayan ang “unauthorized for-hire vehicles na kadalasang naniningil ng labis sa mga pasahero.
Bukod dito, ipinaalala ni Poe na ayon sa Philippine Statistics Authority (PSA), mayroong 5,455 na naitalang pagkamatay dahil sa “transportation accidents” mula Enero hanggang Hulyo 2022.
Nabanggit niya na ang mga aksidente sa kalsada ay nasa ika-12 sa mga nangungunang sanhi ng pagkamatay sa bansa.
