Natatawa na lamang daw si Derek Ramsay sa ngayo’y iniisyung “rigodon” sa mga nakakarelasyon nila ng kapwa aktor na si John Lloyd Cruz.
Ito’y matapos pagpiyestahan sa internet ang mga larawan at video nila ng sexy actress na si Ellen Adarna habang nasa bahay ni Derek dahil sa isang dinner party.
Marami kasi ang pumuna sa pagiging close raw agad ng dalawa kung saan malagkit ang tinginan habang nagkikuwentuhan at mayroon pang paghalik ng 44-year-old actor sa ulo ng 32-year-old actress.
“Gaya ng sinasabi ko sa iyo, people have their right to express their own opinion, but I really don’t know how to react or say sa mga bagay na ganyan na pinagdidikit o nagpapalit-partners lang kami. Hindi naman kami ganyang klase ng tao,” saad ni Ramsay sa pep.
Nabatid na mayroong anak si Adarna kay Lloydie, habang kapwa naging kasintahan ng dalawang aktor si Angelica Panganiban.
Na-link din kay John Lloyd si Ruffa Gutierrez na kasama nina Derek at Ellen sa party.
