Isiniwalat ni Department of Information and Communications Technology Secretary Ivan John Uy na isang “electromechanical malfunction” ang nag-trigger ng air traffic system glitch na nangyari noong Bagong Taon sa Ninoy Aquino International Airport (NAIA).
Sa isang press briefing, sinabi ni Uy na ang usapin ay napag-usapan sa kamakailang pagpupulong ni Pangulong Ferdinand “Bongbong” Marcos Jr. at ng Department of Transportation.
Aniya, ito ay karaniwang isang electromechanical malfunction na nag-trigger ng buong insidente na nakaapekto sa nasabing paliparan.
Sinabi naman ni Transportation Secretary Jaime Bautista, sa kanyang bahagi, na inatasan ni Pangulong Marcos ang ahensya na pabilisin ang pagsasaayos para sa maintenance provider na Sumitomo-Thales, na magpapabago sa sistema ng kaligtasan ng aviation ng bansa.
Kaugnay niyan, inilunsad na ng Senate public services committee ang imbestigasyon sa insidenteng na nangyari sa pangunahing gateway ng bansa noong Enero 1.
Kung matatandaan, hindi bababa sa 282 na flight ang kinansela o naantala sa Araw ng Bagong Taon habang ang Civil Aviation Authority of the Philippines (CAAP) ay nagtala ng technical issue sa Philippine Air Traffic Management Center (ATMC).
