BUTUAN CITY – Umabot sa mahigit P100,000,00 halaga ng suspected shabu at mga drug paraphernalia at ibang mga gamit ang nakumpiska sa isinagawang drug buy-bust operation kaninang alas-2:00 ng madaling sa Room 8 sa Beehive Lodge sa Purok 1, Brgy. Bancasi nitong lungsod ng Butuan.
Nakuha ang nasabing ilegal na druga mula sa posisyon nina Elmer Lacia de la Torre, 50-anyos, may asawa, pinatalsik na pulis atg residente ng Purok 4, Brgy. Baan Riverside nitong lungsod kasama ang magkapatid na sina Rosalie Telewik Ariola, 48-anyos, biyuda, residente ng Emily Homes Subd., sa Purok 15, Brgy. Libertad nito ring lungsod at Joseph Telewik, 45-anyos, may asawa at residente ng Purok 1, Brgy. Lacasan, sa bayan ng Hinatuan, Surigao del Sur.
Nasa kostudiya na ng Regional Drug Enforcement Unit-13 ang mga suspek at ang 18-gramong suspected shabu na nagkakahalaga ng P122,440.00 para sa tamang disposasyon at dokumentasyon.
