-- Advertisements --
Umatras na sa pagsali sa Madrid Open si World number one Novak Djokovic sa pagsali sa Madrid Open dahil pa rin sa banta ng COVID-19.
Sa kaniyang Twitter sinabi nito na hindi na muna ito maglalaro sa nasabing torneo na gaganapin sa susunod na linggo.
Huling lumaban ang 33-anyos na si Serbian tennis star sa Serbia Open noong nakaraang linggo kung saan nagtapos ito ng semi-finals.
Hindi natuloy ang 2020 Madrid Open noong nakaraang taon dahil sa COVID-19 pandemic kaya nananatiling kampeon pa rin si Djokovic na nakuha ang titulo noong 2019.
Inaasahan naman ng mga fans na makakapaglaro ang Serbian tennis star sa Rome Masters at Belgrade Open sa susunod na buwan at sa French Open na magsisimula sa Mayo 30.
